Wie daer dn Buuer sahk, doochte he, jetzt gilts! un zoogk sinne Schnuußen su scheib, daß se boolichen uff dr linken Halbe dn Uhrzippel fassen kunnte. Wie dr Buuer gaegen dn Mann kaamb un die scheibe Schnuußen un die daemesch-deesige Visaasche sahk, do war he dach nich ganz sicher, obs dr Worschtinschpaekter wörre odder nich. Dr Buuer fragte: Sin sie daenn dr Worschtinschpaekter? Dr Annere met dr Scheiben Fraessen antwortte: Nischt Worschtinschpaekter, nischt Worschtinschpaekter! Dr Buuer fragte: Hahn sie daenn die scheibe Schnuußen schunt lange? Dr Annere saate: All min Laebes-taage, all min Laebestaage. No, saate dr Buuer, do kinn sie au dr Worschtinschpaekter nicht gesiee, un ging furt.
10. Wie dr Märtensgast sinn Gevatter metbroochte.
Zun Märtensoobende ziehn de Kunden haufenwiese nach Nordhusen bie ehre Brännhärms, se sorgen drveer, daß de Gastfrindschaft nich uusschtörwet. In dr Nöischtadt hatte aen Brännhärre sich uff aen Dotzder finnewe ingericht, un he un sinne Fraue hatten alles Menschenmeegliche zun Empfange un zur Bewärtunge dr lieben Schnapskunden uffgeschtellt. Sie hatte au von dn Dienstmaechen schpan-nehuch Haeckerling schtraue looße, doomet s keine Flaecker göbbe, waenn de Geste de Karpenkeppe in de Schtobben wörfen un hemoochten met dn Obsetzen druf träten. Zu Märtin schteckte nune He un Sie s allerfrindlichste Gesichte uff, doomet de Kunden glaube sollten, se wörm von Haerzen willkommen. De Kunden traten au raecht aartig an: se kamen von Haarze, wu's su billigen Wilpertsbrooten gitt un su höbsche schtaehleme Furaellichen, uus dn Riehte bie Sangerhuusen, wu de Frösche su schiene Fröikunzärte gaeben, von dr Hagelieten, wu der Hasengroßvater „gute Naacht” saat, un uus dn Schwarzhischen, uus dr Graweschaft ubene, wu se singen „Haach, Dietschland, haach!” un uus dr Graweschaft ungene, wu se saan „Aenne juut gebrootene Jans is aenne jute Jabe!” - un au von katheelschen Eisfaelle. Uus dr letzten Gaegend kaamb au aen kleiner
